పూరీ స్పెషల్స్ మొదలెట్టాం కదా. మరి ఇవాళేం చేద్దాం??? మరో ఆరోగ్యకరమైన, అందమైన పూరీలు ట్రై చేద్దాం..

గోధుమ పిండి – 3 కప్పులు

టమాటా పేస్ట్ – 1/2 కప్పు

టమాటా సాస్  – 2 tsp

ఉప్పు – తగినంత

కారం పొడి  – 1 tsp

గరం మసాలా పొడి – 1/4 tsp

నూనె – వేయించడానికి

టమాటాలు మరిగే నీళల్లో వేసి చల్లారిన తర్వాత ముక్కలుగా కట్ చేసి మెత్తగా గ్రైండ్ చేసుకోవాలి. ఒక గిన్నెలో గోధుమపిండి తీసుకుని అందులో టమాటా పేస్ట్, టమాటా సాస్, ఉప్పు, కారం  పొడి, గరం మసాలా పొడి వేసి కలిపి అవసరమైతే కొద్దిగా నీళ్లు చల్లుకుంటూ పూరీపిండిలా తడుపుకోవాలి. దీనిమీద మూత పెట్టి అరగంట వదిలేయాలి. తర్వాత పిండిని మెత్తగా పిసికి ఉండలు చేసుకోవాలి. వాటిని పూరీల్లా  వత్తుకుని వేడి నూనెలో వేసి రెండు వైపులా బంగారు రంగు వచ్చేవరకు కాల్చుకుని పచ్చడితో సర్వ్ చేయాలి . అలాగే తిన్నా బావుంటుంది.

Read this post in English:

వేసవి సెలవులు కదా. పిల్లలు ఇంట్లోనే ఉంటారు. వాళ్లకు రోజూ కొత్త కొత్తగా కావాలంటారు. మరి పిల్లలకు ఇష్టమైన పూరీలనే కాస్త వెరయిటీగా, కొత్తగా, ఆరోగ్యకరంగా చేసిద్దాం ఈ పూరీ స్పెషల్స్ లో..

కావలసిన వస్తువులు:

గోధుమ పిండి – 2 కప్పులు

మామిడిపండు గుజ్జు – 1/2 కప్పు

ఉప్పు – చిటికెడు

యాలకుల పొడి – చిటికెడు

పంచదార – 3 tsp

నూనె – వేయించడానికి

గోధుమపిండిలో ఉప్పు కలిపి జల్లించుకోవాలి. మామిడిపళ్ల ముక్కలు, యాలకుల పొడి, పంచదార కలిపి మిక్సీలో గుజ్జులా చేసుకోవాలి.  ఒక గిన్నెలో ఈ గుజ్జు, జల్లించిన గోధుమపిండి వేసి కలిపి పూరీపిండిలా కలుపుకోవాలి. అవసరమనుకుంటే కొద్దిగా నీళ్లు కలుపుకోవచ్చు. తడిపిన పిండిని మూత లేదా బట్టతో కప్పి పెట్టి ఉంచాలి. అరగంట తర్వాత పిండిని బాగా మర్ధనా చేసి చిన్న చిన్న ఉండలు చేసుకోవాలి. ఈ ఉండలతో కొద్దిగా నూనె అద్దుకుంటూ పూరీలలా వత్తుకోవాలి. బాణలిలో నూనె వేడి చేసి ఈ పూరీలను రెండువైపులా బంగారు రంగు వచ్చేవరకు వేయించి వేడిగా సర్వ్ చేయాలి. మీకు ఇష్టముంటే పైన పంచదార పొడి కూడా చల్లుకోవచ్చు.

Read this post in English:

పావ్ భాజి మీరు ఎలా చేస్తారు? బఠానీలు లేదా శనగలతో కదా. మరి ఈసారి  కొంచెం వెరయిటీగా స్వీట్ కార్న్ తో చేసుకుందామా.. వీటిని నానబెట్టి ఉడకబెట్టాల్సిన పనిలేదు. చాలా తొందరగానే చేసుకోవచ్చు..

కావలసిన వస్తువులు:

స్వీట్ కార్న్ గింజలు – 1 కప్పు

ఉడికించిన బంగాళదుంప ముక్కలు – 1/2 కప్పు

ఉల్లిపాయ – 1

టమాటా – 2

కొత్తిమిర – 2 tbsp

కారం పొడి – 1/4 tsp

పసుపు – 1/4 tsp

ఉప్పు – తగినంత

ధనియాల పొడి – 1 tsp

జీలకర్ర పొడి – 1/2 tsp

గరం మసాలా పొడి – 1/2 tsp

పావ్ భాజీ మసాలా పొడి – 2 tbsp

నూనె -  2 tbsp

వెన్న – 1 tsp

స్వీట్ కార్న్ గింజలను ఆవిరిమీద ఉడికించి  పెట్టుకోవాలి. వెడల్పాటి ప్యాన్ లో నూనె, వెన్న కలిపి వేడి చేసి  సన్నగా తరిగిన ఉల్లిపాయలు వేసి మెత్తబడేవరకు వేయించాలి. తర్వాత సన్నగా తరిగిన టమాటా,  బంగాళదుంప చిదిమివేసి వేయాలి. ఇందులో  పసుపు, కారంపొడి,  గరం మసాలా పొడి, పావ్ భాజీ మసాలా పొడి, ఉడికించిన కార్న్ గింజలు, తగినంత ఉప్పు వేసి మెత్తగా మెదుపుతూ కలపాలి. ఒకవేళ మిశ్రమం గట్టిగా ఉంటే కప్పుడు   నీళ్లు పోసి,    కాస్త చిక్కగా అయ్యేవరకు ఉడికించి , కొత్తిమిర చల్లి దింపేయాలి.  వెన్న రాసి పెనంమీద కాల్చిన పావ్ బన్నులతో ఈ కూర వేడివేడిగా సర్వ్ చేయాలి. కావాలంటే చివర్లో నిమ్మరసం కూడా పిండుకోవచ్చు.

Read this post in English:

సడన్ గా ఫ్రెండ్స్ వచ్చారు. పిల్లలు ఏధైనా తినడానికి కొత్తగా చేసిపెట్టమంటున్నారు. ఆ సమయంలో ఏం చేస్తారు?? పకోడీలు వగైరా పాతబడిపోయాయి.. ఇలా ట్రై చేయండి…

కావలసిన వస్తువులు:

కోడిగ్రుడ్లు – 2

ఉల్లిపాయ – 1 చిన్నది

కొత్తిమిర – కొద్దిగా

పసుపు – చిటికెడు

కారం పొడి – 1/4 tsp

గరం మసాలా పొడి – చిటికెడు

అల్లం వెల్లుల్లి ముద్ద – 1/4 tsp

సెనగపిండి – 2 tsp

ఉప్పు – తగినంత

నూనె – 1/4 కప్పు

ఒక గిన్నెలో సన్నగా తరిగిన ఉల్లిపాయ, కొత్తిమిర, పసుపు, కారం పొడి, గరం మసాలా పొడి, తగినంత ఉప్పు, అల్లం వెల్లుల్లి ముద్ద, సెనగపిండి వేసి కలిపి రెండు చెంచాల నీళ్లు వేసి గిలక్కొట్టాలి. ఇందులో కోడిగ్రుడ్లను కొట్టి వేయాలి. మొత్తం బాగా కలిసేలా గిలక్కొట్టాలి. పాన్ వేడి చేసి కొద్దిగా నూనె వేయాలి.  కలిపి ఉంచుకున్న మిశ్రమాన్ని వేసి కాస్త మందంగా ఆమ్లెట్‌లా వేసి మూతపెట్టి ఉడికించాలి. ఒకవైపు బాగా కాలిన తర్వాత దాన్ని జాగ్రత్తగా చాపలా చుట్టాలి. బయటకు తీసి అంగుళం లేదా రెండంగుళాల సైజులో ముక్కలుగా కట్ చేయాలి. అదే పాన్‌లో మరి కొంచం నూనె వేసి ఈ రోల్ ముక్కలను పెట్టి రెండు వైపులు వత్తుకుంటూ కాల్చాలి. సర్వ్ చేసేటప్పుడు ఉల్లి చక్రాలు, టమాటా స్లైసులతో అలంకరించి పైన కొంచం గరం మసాలా లేదా మిరియాల పొడి చల్లి సర్వ్ చేయాలి.

Read this post in English:

అబ్బో ఎండలు మండిపోతున్నాయి. ఎప్పుడూ చల్లచల్లగా తినాలి, తాగాలి అనిపిస్తుంది. మరి ఈ చల్లదనానికి ఆరోగ్యం కూడా జతచేరిస్తే ఎలా ఉంటుంది..పదండి మరి త్వరగా తయారుచేసుకుందాం..

స్ట్రాబెర్రీ పళ్లు – 5

సగ్గుబియ్యం – 1/2 కప్పు

ఓట్స్ – 1/4 కప్పు

పంచదార – 1/4 కప్పు

పాలు – 2 కప్పులు

వెనీలా ఎసెన్స్ – 3 చుక్కలు

బాదాం – 4

స్ట్రాబెర్రీ పళ్లను కడిగి ముక్కలుగా చేసుకుని మిక్సీలో వేసి మెత్తగా గ్రైండ్ చేసుకోవాలి.  ఒక గిన్నెలో సగ్గుబియ్యం వేసి నీళ్లు పోసి అరగంట నానబెట్టాలి. పాలు మరిగించి ఈ నానిన సగ్గుబియ్యం వేసి పారదర్శకంగా మారేవరకు చిన్నమంట మీద ఉడికించాలి. తర్వాత ఓట్స్ వేసి ఉడికించాలి. ఐదు నిమిషాల తర్వాత పంచదార, స్ట్రాబెర్రీ మిశ్రమం వేసి కలిపి మరి కొద్దిసేపు ఉడికించాలి. మొత్తం ఉడికిన తర్వాత దింపి ఎసెన్స్ కలపాలి. చల్లారిన తర్వాత ఫ్రిజ్ లో పెట్టాలి. సర్వ్ చేసేముందు సన్నగా ముక్కలు చేసుకున్న బాదాం ముక్కలు వేసి అలంకరించాలి..

Read this post in English:

ఆకలిగా ఉందా?? మంచి రుచికరమైన వంటకం చేసుకోవాలనిపిస్తుందా?? ఐతే ఈ కబాబ్ లు ట్రై చేయండి. ఎక్కువ వస్తువులేమి అక్కరలేదు..  ఎక్కువ హైరానా పడనవసరం లేదు.. అరటికాయలు తెచ్చుకుని ఇంట్లో ఉన్న సామాన్లతోనే తక్కువ సమయంలో కబాబ్ లు తయారు చేద్దాం..

కావలసిన వస్తువులు:

అరటికాయ – 1

ఉడికించిన సెనగపప్పు – 1/2 కప్పు

చాట్ మసాలా పొడి – చిటికెడు

ఆమ్చూర్ పొడి – చిటికెడు

కొత్తిమిర – కొద్దిగా

ధనియాల పొడి – 1/2 tsp

జీలకర్ర పొడి – 1/2 tsp

గరం మసాలా పొడి – 1/4 tsp

కారం పొడి – 1/4 tsp

నూనె – వేయించడానికి

ఉప్పు – తగినంత

అరటికాయ ఉడికించి పైన తోలు తీసి ఒక గిన్నెలో వేసి చేత్తో మెదిపి ఉంచాలి. ఉడికించిన సెనగపప్పును కూడా మెత్తగా మెదిపి ఇందులో వెయాలి. తర్వాత సన్నగా తరిగిన కొత్తిమిర, చాట్ మసాలా, ఆమ్చూర్ పొడి, గరం మసాలా పొడి, కారం పొడి, ధనియాల పొడి, జీలకర్ర పొడి, తగినంత ఉప్పు వేసి బాగా కలపాలి. ఈ మిశ్రమంతో చిన్న చిన్న ఉండలు చేసుకుని పొడవుగా కాని వెడల్పుగా కాని వత్తుకుని వేడీ నూనెలో వేసి బంగారు రంగు వచ్చేవరకు వేయించాలి. లేదా పాన్‌లో కొద్దిగా నూనె వేసి కూడా కాల్చుకోవచ్చు. సాస్ లేదా పుదీనా చట్నీతో సర్వ్ చేయాలి.

Read this post in English:

ఎండలు మండుతున్నాయి. వేడికి తాళలేక అందరూ చల్లనీళ్లు, ఐస్క్రీములు, కూల్ డ్రింకులు వగైరా తీసుకుంటారు. మరి ఇవాళ ఒక కొత్త ఐస్క్రీమ్ తయారుచేసుకుందాం. చాలా ఈజీ..

క్రీమ్ – 500 ml

పంచదార – 200 gms

ద్రాక్ష పళ్లు – 1/2 కప్పు

రోజ్ సిరప్ – 3 tbsp

రోజ్ ఎసెన్స్ – 3 – 4 చుక్కలు

పంచదార పొడి చేసుకుని క్రీమ్ లో వేసి కలపాలి. ఇందులో రోజ్ సిరప్ లేదా రోజ్ వాటర్, రోజ్ ఎసెన్స్ లేదా రూహ్ అఫ్జా వేసి బాగా కలపాలి. దీన్ని ఒక వెడల్పాటి గిన్నెలో పోసి డీప్ ఫ్రీజర్‌లో పెట్టాలి. సగం గట్టిపడ్డ తర్వాత  ద్రాక్షపళ్లను రెండు ముక్కలుగా కట్ చేసి అందులో కలపాలి. మళ్లీ ఆ గిన్నెను డీప్ ఫ్రీజర్లో పెట్టి  పూర్తిగా గట్టిపడేవరకు ఉంచాలి.   సర్వ్ చేసేటప్పుడు మరికొన్ని ద్రాక్షపళ్ళ ముక్కలు, వేఫర్స్ తో అలంకరిస్తే బావుంటుంది.

Read this recipe in English:

పప్పు, చారు మాత్రమే ఉంది కూర చేసుకునే ఓపిక లేదు. ఓ ఆమ్లెట్ వేసుకుంటే సరిపోతుంది. పిల్లలు కూడా ఇష్టపడే, వాళ్లంత వాళ్లే త్వరగా చేసుకోగలిగే అమ్లెట్ ని  కొంచెం కొత్తగా చేద్దాం.

కావలసిన వస్తువులు:

మ్యాగీ నూడుల్స్ – పావు కప్పు

గ్రుడ్లు – 2

ఉల్లిపాయ – 1 చిన్నది

కొత్తిమిర – 2 tsp

అల్లం వెల్లుల్లి ముద్ద – ¼ tsp

పసుపు – చిటికెడు

కారం పొడి – ½ tsp

గరం మసాలా పొడి – చిటికెడు

ఉప్పు – తగినంత

నూనె – వేయించడానికి

రెంఢు కప్పుల నీళ్లు మరిగించి నూడుల్స్ వేసి ఉడికిన తర్వాత జల్లెడలో వేయాలి.  ఒక గిన్నెలో  సన్నగా తరిగిన ఉల్లిపాయలు, కొత్తిమిర, అల్లం వెల్లుల్లి, పసుపు , కారంపొడి, గరం మసాలా పొడి, ఉడికించిన నూడుల్స్, తగినంత ఉప్పు వేసి బాగా గిలక్కొట్టాలి.. ప్యాన్ లో చెంచాడు నూనె వేడి చేసి ఈ మిశ్రమాన్ని పోసి కొద్దిగా పలుచగా చేయాలి. చుట్టూ మరికొంచెం నూనె వేసి మూతపెట్టాలి. ఆమ్లెట్ ఉడికి పొంగిన తర్వాత తిరగేసి కొద్దిగా ఎర్రబడ్డాక సర్వ్ చేయాలి.. ఈ ఆమ్లెట్ అలాగే సాస్, ఉల్లిపాయలతో సర్వ్ చేయొచ్చు లేదా బ్రెడ్, చపాతీతో కూడా సర్వ్ చేయొచ్చు..

Read this post in English:

ఎప్పుడూ ఒకేరకమైన దోశలు చేసుకోవాలంటే చిరాగ్గానే ఉంటుంది కదా. అప్పుడప్పుడు కొత్తగా చేద్దాం అనిపిస్తుంది. మరి టమాటాలు కలిపి కొత్త వెరయిటీ దోశలు చేద్దాం కొంచెం కొత్తగా, కొంచెం కారంగా… వెరసి కొత్త రుచితో..

కావలసిన వస్తువులు:

దోశ పిండి – 2 కప్పులు

టమాట పేస్ట్ – ¼ కప్పు

టమాటా సాస్ – 2 tsp

జీలకర్ర – ½ tsp

ఉప్పు – తగినంత

నూనె – వేయించడానికి

టమాటా చిన్నముక్కలు చేసి మిక్సీలో వేసి మెత్తగా రుబ్బుకోవాలి. దోశపిండిలో ఈ టమాటా ముద్ద, టమాటా సాస్, జీలకర్ర, తగినంత ఉప్పు వేసి కలిపి పది నిమిషాలు తర్వాత వేడి పెనం మీద పలుచగా దోశలుగా వేసుకోవాలి. వేడి వేడిగా కొబ్బరి చట్నీతో సర్వ్ చేయండి..అంతే.. ఇంట్లో దోశపిండి ఉన్నప్పుడు ఇలా చేసుకుంటే కొత్తగా, రుచిగా ఉంటుంది..
Read this post in English:

వేసవిలో ఎంత ఎండలు మండుతున్నా మల్లెపూవులు , మామిడి ఉన్నాయి కదా అని చాలామంది సంతోషంగా ఉంటారు. మామిడితో ఎన్నిరకాల రుచులో కాయ , పండు ఏదైనా సరే ఈ సీజన్ మొత్తం మామిడి రుచుల సంబరాలే. మరి ఈరోజు కొత్తరకం కూర చేసుకుందాం..

కావలసిన వస్తువులు:

కాప్సికమ్ ముక్కలు – 1 కప్పు

మామిడికాయ ముక్కలు – 1/2 కప్పు

ఉల్లిపాయ – 1

అల్లం వెల్లుల్లి ముద్ద – 1/2 tsp

పసుపు – 1/4 tsp

కారం పొడి – 1 tsp

ఉప్పు – తగినంత

నూనె – 2 tbsp

సోయా సాస్ – 1/2 tsp

చిల్లీ సాస్ – 1/2 tsp

టొమాటో సాస్ – 1 tsp

కాప్సికమ్  కట్ చేసి లోపలి గింజలు తీసేసి అంగుళం సైజు ముక్కలు చేసి పెట్టుకోవాలి. అలాగే మామిడికాయ చెక్కు తీసి అదే సైజు ముక్కలుగా కట్ చేసుకోవాలి. . పాన్‌లో నూనె వేడి చేసి సన్నగా తరిగిన ఉల్లిపాయలు వేసి మెత్తబడి రంగు మారుతున్నప్పుడు  పసుపు, అల్లం వెల్లుల్లి ముద్ద వేసి కలిపి కాప్సికమ్ ముక్కలు వేసి కలిపి మూత పెట్టి నిదానంగా ఉడికించాలి. ముక్కలు మెత్తబడ్డాక మామిడికాయ ముక్కలు, కారం పొడి, తగినంత ఉప్పు వేసి కలిపి మూతపెట్టాలి. మామిడికాయ ముక్కలు కొద్దిగా మెత్తబడ్డాక సోయా సాస్, చిల్లీ సాస్, టొమాటో సాస్ వేసి కొద్దిగా నీళ్లు కలిపి మరి కొద్ది సేపు ఉడికించి దింపేయాలి. ఈ కూర అన్నం, చపాతీలకు బావుంటుంది..

Read this post in English: